Jizzaxda Sport vaziri ishtirokida sayyor qabul bo‘lib o‘tdi
2026-02-03 16:00:00 / Yangiliklar
Sport vaziri Adkham Ikramov hududlarda sport sohasiga oid muammo va takliflarni o‘rganish, shuningdek, ularni bevosita joyida hal etish maqsadida Jizzax Politexnika institutida navbatdagi sayyor qabul o‘tkazdi.
Sayyor qabul davomida hududda sport sohasida bugungi kunga qadar amalga oshirilgan ishlar, sport sohasini raqamlashtirish masalalari, mavjud muammolar hamda kelgusida bajarilishi lozim bo‘lgan ustuvor vazifalar atroflicha muhokama qilindi.
Qabul jarayonida aholidan 10 dan ortiq murojaat kelib tushib, ularning aksariyati joyida ijobiy hal etildi. Shuningdek, ayrim murojaatchilarga amaldagi qonunchilik doirasida huquqiy tushuntirishlar berildi, qo‘shimcha o‘rganishni talab etadigan murojaatlarning ijrosi esa belgilangan tartibda nazoratga olindi.
Shuningdek, Sport vaziri Jizzax Politexnika institutida yangi tashkil etilgan kurash zalida yaratilgan sharoitlar bilan tanishib, talabalar sportini yanada rivojlantirish masalasida tegishli tavsiyalar berildi.