Akbar Joʻrayev va Rigina Adashbayeva Parij-2024 yozgi Olimpiya oʻyinlari yoʻllanmasiga ega chiqishdi
2024-05-26 15:15:00 / Yangiliklar
Xalqaro ogʻir atletika federatsiyasi Olimpiya sikli yakunlariga ko’ra Parij-2024 yozgi Olimpiya oʻyinlarida ishtirok etadigan sportchilar roʻyxatini eʼlon qildi. Quvonarlisi, Oʻzbekiston terma jamoasi aʼzolari Akbar Joʻrayev hamda Rigina Adashbayeva musobaqa ishtirokchilari qatoridan joy olishdi.
Unga koʻra, Joʻrayev -102 kg, Adashbayeva esa -81 kg vazn toifasidagi bahslarda Olimpiada medallari uchun kurash olib borishadi. Saralash davri davomida Tokio-2020 chempioni Joʻrayev 400 kg, Adashbayeva esa 243 kg natija qayd etishga muvaffaq boʻlgan.