Samarqand viloyati, Kattaqo‘rg‘on shahar Suv ombor qo‘rg‘onchasida joylashgan dam olish maskanini DXShga berish
2024-04-16 15:15:00 / Tanlovlar va tenderlar
Samarqand viloyati, Kattaqo‘rg‘on shahar Suv ombor qo‘rg‘onchasida joylashgan dam olish maskani o‘rnida davlat-xususiy sheriklik asosida zamonaviy madaniyat, san’at va turizm klasterini tashkil etish bo‘yicha loyihani amalga oshirishidan manfaatdorligi bo‘lgan boshqa talabgorlarga ma’lum qilish taklifi to‘g‘risida
2024-yilda O‘zbekiston Respublikasi Madaniyat vazirligiga xususiy tashabbuskor “KBR NATURE RESORT COMPLEX” MChJ tomonidan tashabbus taklifi, shu jumladan loyiha konsepsiyasi taqdim etilgan. Mazkur loyiha Samarqand viloyati, Kattaqo‘rg‘on shahar Suv ombor qo‘rg‘onchasida joylashgan dam olish maskani o‘rnida davlat-xususiy sheriklik asosida zamonaviy madaniyat, san’at va turizm klasterini tashkil etish ko‘zda tutilgan.
Shuningdek, markazda “KBR NATURE RESORT COMPLEX” MChJ tomonidan Samarqand viloyat, Kattaqo‘rg‘on shahar Suv ombor qo‘rg‘onchasida joylashgan Kattaqo‘rg‘on shahar madaniyat bo‘limiga qarashli dam olish maskanida ijtimoiy (aholiga sifatli madaniyat, san’at va kino yo‘nalishiga ko‘ngil ochar xizmatlarni ko‘rsatish,) iqtisodiy va infratuzilmaviy vazifalarni (boshqa maishiy xizmatlar ko‘rsatish uchun zamonaviy bino va inshootlar qurilishi) Ko‘ngil ochar amfiteatr, 7D kinoteatr, karaoke klubi, attraksion va bolalar maydoni, sport maydonlari, bolalar yozgi dam olish lageri, umumiy ovqatlanish xizmatlari, akfapark, book kafe xizmatlarini tashkil etishni maqsad qilgan.
Samarqand viloyati, Kattaqo‘rg‘on shahar Suv ombor qo‘rg‘onchasida joylashgan Kattaqo‘rg‘on shahar madaniyat bo‘limiga qarashli dam olish maskanini madaniyat va san’at sohasida davlat-xususiy sheriklikni yanada rivojlantirish hamda tashabbuskor tadbirkorlarga qo‘shimcha shart-sharoitlar yaratish maqsadida, davlat-xususiy sheriklik asosida beriladigan obyektlarni madaniyat va san’at sohasiga yaqin bo‘lgan, shuningdek, xizmat ko‘rsatish, kichik ishlab chiqarish va savdo faoliyati turlari bilan shug‘ullanishiga ruxsat beriladi.
O‘zbekiston Respublikasining “Davlat-xususiy sheriklik to‘g‘risida”gi O‘RQ-537-son Qonuniga muvofiq, tasdiqlangan davlat-xususiy sheriklik loyihasi konsepsiyasi potensial davlat sherigi (Madaniyat vazirligi) tomonidan boshqa talabgorlarga davlat–xususiy sheriklik loyihasining amalga oshirilishidan manfaatdorligi to‘g‘risida ma’lum qilish maqsadida vazirlikning hamda Iqtisodiyot va moliya vazirligining rasmiy veb-saytlarida 45 (qirq besh) kalendar kuni muddatda e’longa joylashtiriladi.
Tenderda qatnashish uchun manfaatdor tomonidan qiziqish bildirish uchun so‘rov va takliflarni 2024-yil 27-may kuniga qadar Toshkent vaqti bilan 18:00 gacha topshirilishi kerak.
Loyihaga qiziqish bildirish uchun so‘rov va tenderlar (takliflar) quyidagi manzilda qabul qilinadi. Toshkent shahri, Amir Temur shoh ko‘chasi, 107 B-uy (Madaniyat vazirligi).
“Davlat-xususiy sheriklik to‘g‘risida”gi Qonunning 17-moddasiga binoan, qiziqish bildirish uchun so‘rov va tender takliflari olingan taqdirda, Madaniyat vazirligi tomonidan loyihaning tashabbuskori hamda qiziqish bildirgan uchinchi tomonlar ishtirokida xususiy sherikni aniqlash uchun tender o‘tkaziladi.
Qiziqish bildirish uchun soʻrov shakli.