O‘zbekistonda "Turkmaniston madaniyati kunlari" bo‘lib o‘tmoqda
2025-10-22 14:00:00 / Yangiliklar
Xorazmda madaniyat kunlari doirasida O‘zbekiston va Turkmaniston davlatlarining madaniyat va san’at xodimlari ishtirokida ijodiy uchrashuv bo‘lib o‘tdi.
Uchrashuv davomida ikki xalq o‘rtasidagi do‘stlik va yaxshi qo‘shnichilik aloqalari, shuningdek, madaniyat sohasida erishilayotgan yutuqlar haqida so‘z yuritildi.
Uchrashuvning asosiy maqsadi — O‘zbekiston va Turkmaniston xalqlari o‘rtasidagi do‘stona aloqalarni yanada mustahkamlash, madaniy sohada hamkorlikni kengaytirish hamda ijodkorlar o‘rtasidagi tajriba almashinuvini rivojlantirishdan iborat bo‘ldi.
Mazkur uchrashuv ikki davlat madaniyat arboblari o‘rtasida o‘zaro anglashuv va ijodiy hamkorlikni mustahkamlashga xizmat qildi.