Madaniyat vaziri Ozodbek Nazarbekov Tatar madaniyati jamg‘armasi direktorini qabul qildi
2025-10-08 18:35:00 / Yangiliklar
Bugun, 8-oktyabr kuni madaniyat vaziri Ozodbek Nazarbekov R.Vagapov nomidagi Tatar madaniyati jamg‘armasi direktori Rifat Fattaxovni qabul qildi.
Uchrashuv davomida ikki xalq o‘rtasidagi madaniy hamkorlik aloqalari hamda amalga oshirilgan ishlar yuzasidan fikr almashildi.
Shuningdek, Tatariston Respublikasi madaniyat vaziri taklifiga ko'ra, Qozon shahrida joriy yilning 12-22-noyabr kunlari bo‘lib o‘tishi kutilayotgan “Rossiya-Sharq” (“Qozondagi Sharq bozori”) IV Xalqaro milliy madaniyatlar festivaliga O‘zbekiston Respublikasi vakillarini Qozon shahriga yuborish yuzasidan fikr almashildi.
Uchrashuv samimiy va do‘stona ruhda o‘tdi.