Tojikistonda madaniy hamkorlik kengashining navbatdagi majlisi bo‘lib o‘tdi
2025-09-19 07:05:00 / Yangiliklar
Kuni kecha Tojikiston Respublikasining Dushanbe shahrida Mustaqil Davlatlar Hamdo‘stligiga a’zo davlatlar Madaniy hamkorlik kengashining navbatdagi 40-majlisi bo‘lib o‘tdi.
Majlisda va uning doirasidagi tadbirlarda madaniyat vaziri Ozodbek Nazarbekov boshchiligidagi O‘zbekiston delegatsiyasi qatnashdi.
Majlisda O‘zbekiston delegatsiyasidan tashqari Tojikiston Respublikasi madaniyat vaziri M.Sattoriyon, Turkmaniston madaniyat vaziri A.Shamiradov (onlayn shaklda), Qirg‘iz Respublikasi madaniyat, axborot va yoshlar siyosati vazirining birinchi o‘rinbosari S.Nadirbekov, Rossiya Federatsiyasi madaniyat vaziri o‘rinbosari V.Osinsev, Qozog‘iston Respublikasi madaniyat va axborot vaziri o‘rinbosari O.Sidikov (onlayn shaklda), Belarus Respublikasi madaniyat vaziri o‘rinbosari S.Sarakach, Ozarbayjon Respublikasi madaniyat vaziri maslahatchisi O.Amirbekov, Armaniston ta’lim, ilm-fan, madaniyat va sport vazirligi boshqarma boshlig‘i S.Saakyan, MDH Ijroiya qo‘mitasi departament boshlig‘i o‘rinbosari V.Rudikovalar qatnashdi.
Majlis doirasida 10 ta masalani o‘z ichiga olgan kun tartibi muhokama qilindi.
Xususan, Tojikiston Respublikasining madaniyat sohasidagi davlat siyosati, Hamdo‘stlikda 2025-yilda tashkil etilgan tadbirlar va 2026-yilda amalga oshirilishi rejalashtirilayotgan tadbirlar rejasi, “Hamdo‘stlik poytaxtlari” loyihasi, “Art Expo” loyihasi, O‘zbekiston tomoning “Hamdo‘stlik madaniyat kunlari” loyihasi va boshqa masalalar muhokama qilindi.