Kuni kecha vazirlikda madaniyat vazirining birinchi o‘rinbosari Avazxon Tadjixanov hamda Ta’limni rivojlantirish respublika ilmiy-metodik markazi direktori Yuliya Risyukova o‘rtasida "Musiqiy ta’limning xalqaro hamjamiyatga integratsiyasi: kelajak uchun hamkorlik" (ICESCO shafeligida) xalqaro forumi yuzasidan muhokama bo‘lib o‘tdi.

Muhokama doirasida, Madaniyat ta’limi sohasida ilg‘or tajriba almashish, ICESCOga a’zo davlatlar o‘rtasida barqaror hamkorlik tarmog‘ini rivojlantirish, raqamli transformatsiya sharoitida madaniy ta’limga yangi yondashuvlarni ishlab chiqish hamda madaniyat ta’limi bo‘yicha Toshkent deklaratsiyasini yakuniy hujjat sifatida qabul qilish kabi masalalar muhokama etildi.

Uchrashuv yakunida tomonlar muhokamalar hamda islohotlarni davom ettirishga va hamkorlik imkoniyatlarini amaliy bosqichga olib chiqishga kelishib olindi.