O‘zbekiston madaniyati Yevropa sahnasida!
2025-08-04 17:00:00 / Yangiliklar
Toshkent shahar Yakkasaroy tumani Madaniyat bo‘limi tasarrufida “Sharq sadolari” ashula va raqs ansambli Ispaniyaning Badajoz shahrida bo‘lib o‘tgan nufuzli 44-“Extremadura” Xalqaro folklor festivalida O‘zbekiston nomidan faxr bilan ishtirok etdi.
“Birinchi navbatda Irlandiya, Portugaliya, Tayvan va O‘zbekistondan kelgan xalqaro guruhlarga badiiy va insoniy fazilatlari uchun minnatdorchilik bildiramiz. Dunyoning bunday chekka hududlaridan qiyinchiliklarga qaramay hamkorlarga ega bo‘lish hamda Badajozda ularning madaniyatidan bahramand bo‘lish - bu baxtdir” – deyiladi festival ijtimoiy tarmoqlarida.
Ansambl o‘zining milliy kuy va raqslarini jahon sahnasida yana bir bor o‘ziga xos mahorat bilan namoyish etdi.