Xabaringiz bor, “Vatan uchun, millat uchun, xalq uchun!” degan ezgu g‘oyani o‘zida mujassam etgan, mustaqilligimizning o‘ttiz to‘rt yillik bayrami tantanalariga tayyorgarlik ko‘rilmoqda.

Shu munosabat bilan, kuni kecha madaniyat vazirining birinchi o‘rinbosari Bahodir Ahmedov boshchiligida O‘zbekiston Respublikasi davlat Mustaqilligining 34 yilligiga bag‘ishlangan bayram tadbirlariga tayyorgarlik ko‘rish va uni yuqori saviyada o‘tkazish yuzasidan yig‘ilish bo‘lib o‘tdi.

Mazkur yig‘ilishda vazirlikning boshqarmalari va bo‘limlari, soha mutaxassislari hamda tegishli tashkilot xodimlari hamda O‘zbekiston Respublikasi Qurolli Kuchlari tarkibiga kiruvchi vazirlik va idoralar vakillari ham ishtirok etishdi.

Unda eng aziz va eng ulug‘ bayramimiz Mustaqillik bayramiga yuksak darajada tayyorgarlik ko‘rish, eng sara Vatanparvarlik ruhidagi qo‘shiqlarni saralash va unga hamohang harbiy chiqishlarni tayyorlash bo‘yicha barcha mas’ullarga tegishli topshiriqlar berildi.

Eslatib o‘tamiz, “O‘zbekiston Respublikasi davlat mustaqilligining o‘ttiz to‘rt yillik bayramiga tayyorgarlik ko‘rish va uni o‘tkazish to‘g‘risida”gi Prezident qarori (PQ–222-son, 10.07.2025 y.) qabul qilindi. (https://t.me/huquqiyaxborot_lotin/9649)