Turkmanistonda “Markaziy Osiyo milliy kunlari" tadbirlari bo‘lib o‘tadi
2025-07-26 21:00:00 / Yangiliklar
Ayni kunlarda joriy yilning 5-8-avgust kunlari Turkmanistonning Avaza turistik zonasida bo‘lib o‘tadigan “Markaziy Osiyo milliy kunlari" tadbirlariga tayyorgarlik ko‘rilmoqda.
Shu munosabat bilan, kuni kecha madaniyat vazirining birinchi o‘rinbosari Bahodir Ahmedov boshchiligidagi delegatsiya Turkmanistonga tashrif buyurdi.
Tashrif davomida, mazkur xalqaro tadbir doirasida o‘tkaziladigan madaniy tadbirlar, xususan o‘zbek-turkman san’atkorlari ishtirokida o‘tkaziladigan qo‘shma konsert dasturlarini va milliy ko‘rgazmalarni tashkil etish bilan bog‘liq masalalar ko‘rib chiqildi.