Qoraqalpoq davlat Yosh tomoshabinlar teatri sahnasida "Muza" yakka teatrining "Mama" spektakli premyerasi xalqimizga taqdim etildi.

Spektakl yaqinda tashkil etilgan "Muza teatr maktabi"ning "Aktyorlik mahorati" tayyorlov kursini yakunlayotgan o‘quvchilari tomonidan ijro etilib, premyeradan so‘ng kursni muvaffaqiyatli tamomlagan o‘quvchilarga "Muza teatri" ma’muriyati tomonidan bilimini oshirganligi to‘g‘risidagi sertifikatlar topshirildi.

Ushbu spektakl tomoshabinlarni onaning ulug‘vorligini, mehr-shafqatini, cheksiz muhabbatini chuqur his etib, onaga bo‘lgan hurmat-ehtiromini yurakdan anglab, hech qachon befarq qaramaslikka chaqiradi.

Premyerada Qoraqalpog‘iston Respublikasi Madaniyat vaziri Begisbek Temirbayev ishtirok etdi.