Oliy ta’lim fan va innovatsiyalar vazirligi bilan hamkorlikda “Sahro bilan yuzma-yuz” badiiy filmi tasvirga olinadi
2025-07-14 15:50:00 / Yangiliklar
Kuni kecha Oliy ta’lim fan va innovatsiyalar vaziri Qo‘ng‘irotday Sharipov hamda Madaniyat vazirligi Kinematografiya agentligi rahbari Shuhrat Rizayev o‘rtasida hamkorlik uchrashuvi bo‘lib o‘tdi.
Uchrashuvda, Madaniyat vazirligi huzuridagi Kinematografiya agentligi hamda Oliy ta’lim fan va innovatsiyalar vazirligi bilan o‘zaro hamkorlikda “Sahro bilan yuzma-yuz” to‘liq metrajli badiiy filmini yaratishga kelishildi.
Kinokartinada orol dengizi va uning atrofidagi voqealar tasvirlanadi.
Mazkur film hayotiy voqealarga asoslangan bo‘lib “Yoshlik kinostudiyasi DUK” tomonidan suratga olinishi rejalashtirilmoqda.
Uchrashuvda Oliy ta’lim fan va innovatsiyalar vaziri Qo‘ng‘irotday Sharipov ushbu filmning adabiy ssenariysi bilan tanishib, o‘zining iliq fikr-mulohazalarini bildirdi.
“Filmda nafaqat yoshlarimizning hayoti, orzu-umidlari haqidagi, balki orol va uning ayanchli taqdiri, qolaversa Yangi O‘zbekiston yoshlarining orolga munosabatlari va qarashlari aks etadi" - dedi vazir Qo‘ng‘irotday Sharipov.
Shuningdek vazir kelgusida Kinematografiya agentligi bilan hamkorlikni kengaytirish, yoshlar hayotini o‘zida aks ettiruvchi filmlarda doim hamkorlik qilishga tayyorligini ta’kidladi.