O‘zbekiston davlat drama teatrida “Qasam” spektakli Badiiy kengash a’zolariga taqdim etildi
2025-07-09 09:30:00 / Yangiliklar
Kuni kecha O‘zbekiston davlat drama teatrida dramaturg Islom Hamro asari asosida rejissyor Bahodir Mirmaxsudov tomonidan sahnalashtirilgan yangi dramatik asar — “Qasam” spektakli O‘zbekiston Respublikasi Madaniyat vazirligi huzuridagi Badiiy kengash a’zolariga havola etildi.
"Qasam” spektakli bugungi kundagi dolzarb mavzulardan biri — ichki ishlar organlarida faoliyat yuritayotgan insonlarning murakkab, mas’uliyatli va fidokorona hayoti haqida so‘zlaydi. Unda so‘nggi yillarda tizimda olib borilayotgan islohotlar, ularning oddiy xodimlar — jumladan, profilaktika inspektorlari hayoti va faoliyatiga qanday ta’sir ko‘rsatayotgani ochib beriladi.
Spektakl namoyishi yakunida Badiiy kengash a’zolari tomonidan ijodiy jamoaning sahnalashtirish uslubi, aktyorlar mahorati, sahna bezagi, dramaturgiya va rejissyorlik yechimlari bo‘yicha ijobiy fikr-mulohazalar bildirilib, kengash a’zolari tomonidan yuqori baholandi.