Rossiyaning Primorskdagi teatri gastrol safari bilan O‘zbekistonda bo‘lib turibdi
2025-07-03 21:00:00 / Yangiliklar
Vazirlar Mahkamasining “Davlat teatrlari va konsert-tomosha muassasalari faoliyatini yanada takomillashtirish chora-tadbirlari to‘g‘risida”gi 329-sonli qaroriga asosan, teatrlar o‘rtasida mahalliy va xalqaro gastrol safarlari amalga oshirilib kelinmoqda.
Rossiya Federatsiyasining Primorsk o‘lkasidagi M.Gorkiy nomidagi akademik drama teatri joriy yilning 2-iyulidan 25-iyul sanasiga qadar O‘zbekiston Respublikasiga gastrol safarini uyushtirmoqda.
Joriy yilning 2-iyul kuni poytaxtdagi Turkiston saroyida gastrol safarining ochilish marosimi o‘tkazildi, unda madaniyat vazirining birinchi o‘rinbosari Avazxon Tadjixanov hamda Primorsk o‘lkasi birinchi vitse-gubernatori – Primorsk o‘lkasi Hukumat raisi V.G.Shyerbin tashrif buyurdi.
Teatr gastrol safari davomida Samarqand viloyati musiqali drama teatrida hamda Farg‘ona viloyati rus drama teatrida spektakllar namoyish etadi.