Madaniyat vazirligida vazirning birinchi o‘rinbosari Avazxon Tadjixanov boshchiligida “Umummilliy birdamlik bog‘larini tashkil etish chora-tadbirlari to‘g‘risida”gi qaror hamda madaniyat markazlarida “Yozgi iste’dodlar” respublika festivalini o‘tkazish yuzasidan hududlar bilan yig‘ilish o‘tkazildi.

Kun tartibidagi yig‘ilishda 2 ta dolzarb masala ko‘rib chiqildi. Birinchi masala, Vazirlar Mahkamasining 2025-yil 17-apreldagi “Umummilliy birdamlik bog‘larini tashkil etish chora-tadbirlari to‘g‘risida”gi qarori bo‘yicha hududlarda amalga oshirilishi lozim bo‘lgan ishlar holati va rejalashtirilgan vazifalar muhokama qilindi.

Ikkinchi masala, joriy yilning iyul-avgust oylarida ta’mirlangan va moddiy-texnik bazasi mustahkamlangan madaniyat markazlarida “Yozgi iste’dodlar” respublika festivalini o‘tkazish bo‘yicha hududlarda tashkil etilayotgan amaliy ishlar holati va rejalashtirilgan vazifalar ko‘rib chiqildi.

Shuningdek, kun tartibidagi masalalar yuzasidan hududiy rahbarlarning hisobotlari hamda taklif va tavsiyalari tinglandi.