“Petrov” kompaniyasida ishlab chiqarilayotgan musiqa asboblari O‘zbekistonga yetkazib berilishi rejalashtirildi
2025-07-02 10:00:00 / Yangiliklar
Avvalroq, O‘zbekiston madaniyat vazirining birinchi o‘rinbosari Bahodir Ahmedov boshchiligidagi delegatsiya Chexiya Respublikasiga tashrif buyurishgani haqida xabar berilgan edi.
Delegatsiya Chexiya Respublikasidagi xizmat safari davomida “Petrov” nomidagi musiqa- asboblarini ishlab chiqarish zavodiga qarashli ko‘rgazmalar uyida bo‘lib, mazkur ko‘rgazmalar uyida zavodning mas’ul rahbarlari hamda O‘zbekiston madaniyat vazirining birinchi o‘rinbosari Bahodir Ahmedov o‘rtasida hamkorlik uchrashuvi bo‘lib o‘tdi.
Uchrashuv davomida musiqa-anjomlari bo‘yicha moddiy texnik bazani mustahkamlash maqsadida O‘zbekiston Madaniyat vazirligi tasarrufidagi ta’lim muassasalari hamda san’at saroylariga mazkur “Petrov” kompaniyasida ishlab chiqarilgan musiqa asboblarini O‘zbekistonga yetkazib berish bo‘yicha ikki tomonlama kelishuvga erishildi.
Shuningdek, “Petrov” kompaniyasi bilan hamkorlikda Yevropa davlatlarida konsert dasturlarini tashkil etish hamda Yevropa va O‘zbekiston o‘rtasidagi madaniy aloqalarni qo‘llab-quvvatlashga kelishib olindi.