Vazir Ozodbek Nazarbekov Qashqadaryoning Ko‘kdala tumanida barpo etilayotgan madaniyat muassasalarini ko‘zdan kechirdi
2025-06-15 19:00:00 / Yangiliklar
Madaniyat vaziri Ozodbek Nazarbekov Qashqadaryoning Ko‘kdala tumanida bo‘lib, yangidan barpo etilayotgan 49-son Madaniyat markazi hamda 150 o‘ringa mo‘ljallangan 26-son Bolalar musiqa va san’at maktabiga tashrif buyurdi.
Unga, viloyat madaniyat boshqarmasi boshlig‘i Isoq To‘rayev hamda hududiy mas’ullar hamrohlik qildi.
Tashrif jarayonida, binoning tashqi va ichki qismlari, jihozlanishi hamda faoliyatini to‘g‘ri tashkil etish yuzasidan mas’ullarga taklif va tavsiyalarini berdi.
Shuningdek, 26-son Bolalar musiqa va san’at maktabi faoliyatini yangi o'quv yilidan boshlash uchun barcha zaruriy choralarni ko'rish lozimligi ta'kidlandi.
Ma’lumot uchun, ushbu Madaniyat markazi faoliyati yo‘lga qo‘yilishi natijasida 30ta yangi ish o‘rinlari yaratiladi.
190 ming nafardan ortiq aholiga madaniy xizmat ko‘rsatiladi.
Shuningdek, yoshlar uchun 10 dan ortiq to‘garak, studiya, kurslar, qiziquvchilar klublari tashkil etiladi.
Shu bilan birga tuman aholisiga konsert-tomosha va madaniy tadbirlar hamda kinofilmlar namoyish etish faoliyati yo‘lga qo‘yiladi.