O‘zbekiston Respublikasi Madaniyat vazirligi

Urganch ixtisoslashtirilgan san’at maktabi direktori Sapayev Xamid Kazakovich Turkiya Respublikasiga tashrif buyurib, Edirne ijtimoiy fanlar litseyi faoliyati bilan yaqindan tanishdi hamda ikki tomon rahbariyati o‘rtasida rasmiy uchrashuv o‘tkazildi. 

Tomonlar o‘rtasida kelgusida ta’lim sohasida o‘zaro hamkorlikni yo‘lga qo‘yish, jumladan mahorat darslari va seminarlar tashkil etish, musiqa va san’at yo‘nalishi bo‘yicha o‘qituvchilar o‘rtasida tajriba almashish, xalqaro stajirovkalar, ijodiy tadqiqotlar va  konferensiyalar o‘tkazish bo‘yicha rejalar belgilab olindi. 

Bu kabi hamkorlik aloqalari yurtimizdagi madaniyat ta'lim muassasalarining  xalqaro maydondagi o‘rnini yanada mustahkamlashga xizmat qiladi!