O‘zbekiston Respublikasi Madaniyat vazirligi

Bugun, 2-iyun kuni madaniyat vaziri Ozodbek Nazarbekov Oliy va o‘rta maxsus ta’lim vazirligi huzuridagi Ma’naviyat va ma’rifat markazi ommaviy sport-sog‘lomlashtirish tadbirlari, talabalarning o‘qishdan bo‘sh vaqtlarini mazmunli o‘tkazishni tashkil etish bo‘limi boshlig‘i Baxtiyor Egamberdiyevni qabul qildi.

Uchrashuv davomida ayni kunlarda davlatimiz rahbarining topshirig‘i asosida “Dolzarb 90 kunlik” tadbirlariga start berilganligi hamda yurtimizdagi 7 mln nafar o‘quvchi-yoshlarni madaniy-ma’rifiy va sport tadbirlariga jalb etilishi rejalashtirilganligi, ushbu jarayonlarda Madaniyat vazirligi hamda Ma’naviyat va ma’rifat markazining o‘rni alohida ekanligi ta’kidlandi.

Vazir Ozodbek Nazarbekov yurtimizdagi yosh avlodning madaniyat va san’at bilan muntazam shug‘ullanishi uchun zamon talablariga mos shart-sharoitlar yaratish hamda madaniyat va san’atni yanada rivojlantirishga yo‘naltirilgan keng ko‘lamli ishlarning amalga oshirilishiga munosib hissa qo‘shib kelayotgan Baxtiyor Egamberdiyevni vazirlikning "Madaniyat va san’at fidokori" ko‘krak nishoni bilan taqdirladi.

Vazir Baxtiyor Egamberdiyevga yurtimizdagi yosh avlodning ta’lim-tarbiyasi yo‘lidagi mashaqqatli va sharafli ishida omad tiladi.