O‘zbekiston Respublikasi Madaniyat vazirligi

Qashqadaryo viloyatining Ko‘kdala tumanida yangidan qurilgan madaniyat markazi va bolalar musiqa va san’ati maktabi holati vazir o‘rinbosari Yusufjon Usmonov tomonidan o‘rganildi.

O‘rganish jarayonida, binoning tashqi va ichki qismlari, jihozlanish ahvoli hamda faoliyati samaradorligi takliflar ishlab chiqildi.

Ma’lumot uchun ushbu madaniyat markazi faoliyati yo‘lga qo‘yilishi natijasida 30 ta yangi ish o‘rinlari yaratiladi. 190,0 ming nafardan ortiq aholiga madaniy xizmat ko‘rsatish darajasi oshadi. Shuningdek, 10 dan ortiq to‘garak, studiya, kurslar, qiziquvchilar klublari tashkil etiladi. Shu bilan birga tuman aholisiga konsert-tomosha va madaniy tadbirlar hamda kinofilmlar namoyish etish faoliyati yo‘lga qo‘yiladi.

Shu bilan birga Kitob tumanidagi 59-son “Yangi avlod”,  Yakkabog‘  tumanidagi 46-son “Xojailg‘or” madaniyat hamda Dehqonobod tumani 28-son madaniyat  markazlarining DXSH asosida samarali tashkil etish bo‘yicha tashabbuskor tadbirkorlar bilan uchrashib tadbirkorlar tomonidan bildirilgan takliflar bilan tanishib, o‘z tavsiyalarini bildirdi.

Shuningdek, Shahrisabz tumani 16-son bolalar musiqa va san’at maktabida hamda Qarshi tumanidagi 7-son bolalar musiqa va san’at maktabi o‘quv jarayonlari, maktabning moddiy texnika bazasini  ko‘zdan kechirdi.

Ma’lumot o‘rnida, Qashqadaryo viloyati madaniyat boshqarmasi tasarrufida 126 ta madaniyat muassasasi faoliyat ko‘rsatadi, shundan: 16 ta tuman (shahar) madaniyat bo‘limlari; 2 ta teatr (viloyat musiqali drama teatri, viloyat qo‘g‘irchoq teatri); 1 ta ixtisoslashtirilgan san’at maktabi; 1 ta ixtisoslashtirilgan madaniyat maktabi; 1 ta ixtisoslashtirilgan boshlang‘ich raqs san’ati maktab-internati; 25 ta bolalar musiqa va san’at maktabi; O‘zbekiston davlat filarmoniyasi viloyat bo‘limi; O‘zbek milliy maqom markazi viloyat bo‘limi; “O‘zbekkonsert” davlat muassasasi viloyat bo‘limi; 1 ta viloyat Ko‘zi ojizlar maxsus kutubxonasi va 16 ta shahar va tuman filiallari; 60 ta madaniyat markazi faoliyat olib boradi.