O‘zbekiston Respublikasi Madaniyat vazirligi

Kuni kecha 30 nafar davlat teatrlari direktorlari hamda o‘rinbosarlari menejmentlik yo‘nalishi bo‘yicha  malakasini oshirdi.

O‘zbekiston Respublikasi Prezidentining 2024-yil 22-noyabrdagi PQ-399-sonli "Teatrlarning jamiyat madaniy hayotidagi ahamiyatini oshirish va ular faoliyatini yanada qo‘llab-quvvatlash chora-tadbirlari to‘g‘risida"gi qaroriga asosan:

Mamlakatimizda teatr san’atini yanada rivojlantirish, teatrlar faoliyatini takomillashtirish va ularning moddiy-texnik bazasini mustahkamlash, sohada ijodiy hamkorlik va erkinlikni ta’minlash, spektakllarning badiiy saviyasini oshirishni qo‘llab-quvvatlash, shuningdek, budjet mablag‘lari va boshqa resurslardan samarali foydalanish, sohaga jahon teatr san’atining ilg‘or tajribalari va zamonaviy texnologiyalarni joriy etishga qaratilgan.

O‘zDSMI huzuridagi Pedagog kadrlarni qayta tayyorlash va ularning malakasini oshirish Tarmoq markazida  O‘zbekiston Respublikasi Madaniyat vazirining 2025-yil 23-apreldagi  201-sonli buyrug‘iga asosan, Madaniyat vazirligi tasarrufidagi davlat teatrlari vа teatr-studiyalari direktorlari hamda o‘rinbosarlarining malakasini oshirish uchun qisqa muddatli malaka oshirish kursi yakunlari bo‘yicha sertifikat topshirish marosimi bo‘lib o‘tdi.

Tadbirda O‘zbekiston Respublikasi Madaniyat vaziri o‘rinbosari Yusufjon Usmonov, vazirlikning Teatr, sirk san’ati va kinematografiya sohasini  muvofiqlashtirish bo‘limi boshlig‘i Shoxruxmirzo Qodirov, O‘zDSMI O‘quv ishlari bo‘yicha prorektori S.Madiyev, O‘zDSMI huzuridagi Malaka oshirish Tarmoq markazi direktori Abror Porsayev ishtirok etishdi.

Ushbu o‘quv kurslarni tashkil etishdan maqsad ham mazkur jarayonlarga uyg‘un tarzda bugungi kunda madaniyat  va san’at sohasini ham yuqori bosqichga olib chiqishdan iborat.