3-may – Jahon matbuot erkinligi kuni
2025-05-03 14:25:00 / Yangiliklar
BMT Bosh Assambleyasining 1993-yil 20-dekabrdagi rezolyutsiyasiga ko‘ra, 1994-yildan boshlab har yili 3-may – Jahon matbuot erkinligi kuni sifatida nishonlanib kelinadi.
BMT Bosh Assambleyasining 1993-yil 20-dekabrdagi rezolyutsiyasiga ko‘ra, 1994-yildan boshlab har yili 3-may – Jahon matbuot erkinligi kuni sifatida nishonlanib kelinadi.
1991-yil 3-may kuni Namibiyada mustaqil va plyuralistik Afrika matbuotini qo‘llab-quvvatlash to‘g‘risidagi Vindxuk deklaratsiyasi imzolangan. Ushbu sana Jahon matbuoti erkinligi kuni deb e’lon qilingan. Mazkur deklaratsiyada bayon etilgan matbuot erkinligini ta’minlashga doir talablar BMT Bosh Assambleyasi tomonidan 1993-yilda shu sananing ta’sis etilishiga turtki bo‘lgan.
1993-yilda BMT Bosh Assambleyasida 3-may sanasini “Jahon matbuot erkinligi kuni” deb e’lon qilish va shu kunda Jahon matbuot erkinligi kuni nishonlanishi haqida maxsus rezolyutsiya qabul qilingan.
Har yili shu kun munosabati bilan BMT dunyo davlatlaridagi matbuot erkinligi hisobotini e’lon qiladi. BMTning ta’lim, fan va madaniyat ishlari bo‘yicha tashkiloti (UNESKO) esa shu kunda dunyo jurnalistlari orasidan o‘zining dolzarb maqolalari bilan matbuotda chiqish qilgan bir nafar jurnalistni maxsus mukofot bilan taqdirlaydi. Mukofot jamg‘armasi 25 ming AQSH dollaridan iborat. Bu mukofot 1997-yilda kolumbiyalik jurnalist Gilyermo Kano o‘ldirilishi ortidan joriy qilingan. 2021-yilda ushbu mukofotni filippinlik Mariya Ressa qo‘lga kiritgan.
Jahon matbuoti erkinligi kuni butun dunyoda, jumladan, O‘zbekistonda ham har yili nishonlanadi.
Madaniyat vazirligi jamoasi yurtimizdagi barcha matbuot xodimlari va jurnalistlarni 3 may –Jahon matbuoti erkinligi kuni bilan samimiy muborakbod etadi !
Sizlarga sog‘lik salomatlik, ishlaringizga ulkan zafarlar, ijodingizga esa rivoj tilab qolamiz.