Turkiyada “O‘zbekiston kitob ko‘rgazmasi” o'tkaziladi
2025-04-19 11:00:00 / Yangiliklar
Avval xabar berilganidek, madaniyat vazirning birinchi o‘rinbosari Avazxon Tadjixanov xizmat safari bilan Turkiyada bo‘lib turibdi.
Tashrif davomida Turkiya Respublikasi Prezidenti Administratsiyasi huzuridagi Millat kutubxonasiga tashrif buyurib, Millat kutubxonasi direktori Ayhan Tug‘lu bilan uchrashdi.
Uchrashuvda Millat kutubxonasi rahbariyati bilan buyuk ajdodlarimiz bizga meros qoldirgan noyob adabiyotlar va ilm-fanga tegishli durdona asarlaridan iborat “O‘zbekiston kitob ko‘rgazmasi”ni Turkiyada o‘tkazishga kelishib olindi.
Ma’lumot o‘rnida, Turkiyaning eng yirik kutubxonasi hisoblangan ushbu majmuada 300 milliondan ortiq turli xildagi kitoblar mavjud.