15-aprel — “Madaniyat va san’at xodimlari kuni”ga bag‘ishlangan tantanali bayram tadbirlari Andijonda o‘tkazildi
2025-04-18 04:00:00 / Yangiliklar
Andijon viloyatining Yangi O‘zbekiston bog‘ida 15-aprel — “Madaniyat va san’at xodimlari kuni” munosabati bilan respublika darajasidagi tantanali bayram tadbiri bo‘lib o‘tdi.
Tadbirda TURKSOY Bosh kotibi Sulton Rayev, O‘zbekiston madaniyat vaziri Ozodbek Nazarbekov, Andijon viloyati hokimi Shuhratbek Abdurahmonov ishtirok etib, nutq so‘zladi hamda bayram munosabati bilan soha xodimlarini muborakbod etishdi.
Tadbir davomida sohada fidokorona mehnat qilayotganlarni rag‘batlantirish maqsadida, respublika bo‘ylab 60 nafarga yaqin soha vakillariga “Madaniyat va san’at fidokori” ko‘krak nishonini madaniyat vaziri Ozodbek Nazarbekov tantanali taqdim etdi.
60 nafarga yaqin “Madaniyat va san’at fidokori” ko‘krak nishoni olganlar orasida TURKSOY Bosh kotibi Sulton Rayev ham bor.
Shuningdek, TURKSOY Bosh kotibi Sulton Rayev tomonidan taqdirlanadigan o‘zbekistonlik bir guruh soha vakillari taqdirlandi, jumladan:
TURKSOY tashkilotining Oltin medali bilan:
O‘zbekiston Respublikasi Madaniyat vazirining birinchi o‘rinbosari - Ahmedov Bahodir Madjitovich;
Andijon viloyati hokimi Abdurahmonov Shuhratbek Qo‘shaqboyevich;
TURKSOY tashkilotining Faxriy medali bilan:
O‘zbekiston davlat san’at va madaniyat instituti rektori Sayfullayev
Nodirbek Baxtiyorovich;
Andijon viloyati madaniyat boshqarmasi boshlig‘i Sattorova
Marhaboxon G‘ulomovna;
TURKSOY tashkilotining Faxriy nishoni bilan:
Mukarrama Turg‘unboyeva nomidagi “Bahor davlat raqs ansambli” davlat muassasasi badiiy rahbari Madraximova Ziyoda Ubaydullayevna;
Tumor raqs ansambli badiiy rahbari Jo‘rabayeva Charos Hosiljanovna;
Muqumiy nomidagi O‘zbekiston davlat musiqali teatri aktyori Latipov Azizxon G‘aybullayevich;
Yunus Rajabiy nomidagi O‘zbek milliy maqom san’ati instituti o‘qituvchisi Shomurodova Mohichehra taqdirlanishdi.
Taqdirlash marosimidan so‘ng yig‘ilganlarga bayramona konsert dasturi namoyish etildi.