Madaniyat vaziri o‘rinbosari Yusufjon Usmonov xizmat safari bilan Navoiy viloyatida bo‘ldi
2025-04-12 16:45:00 / Yangiliklar
Vazir o‘rinbosari Yusufjon Usmonovning dastlabki manzili Qiziltepa tumani bo‘ldi. Faqat muammosi mavjud joylarni Vazir o‘rinbosari O‘zbekiston Respublikasi Prezidentining 2024-yil 12-dekabrdagi PQ-430-son qaroriga asosan auksion savdolariga qo‘yiladigan tumandagi 21-22-23-son madaniyat markazlari faoliyati va loyiha taqdimotlari bilan joyiga chiqqan holda tanishdi.
Qiziltepa tumanidan keyingi manzil Konimex tumani bo‘ldi. Tumandagi 7-son "Do‘stlik" madaniyat markazidagi qurilish-ta’mirlash ishlari bilan tanishgan Yusufjon Usmonov o‘zining bir qancha tavsiyalarini ham berdi.
Konimex tumanidagi o‘rganish ishlari 4-son bolalar musiqa va san’at maktabida davom etdi. Vazir o‘rinbosari musiqa maktabida yaratilgan sharoitlar hamda to‘garaklar faoliyati bilan yaqindan tanishdi.
Xizmat safarining navbatdagi kunida Yusufjon Usmonov Namangan viloyati Ko‘zi ojizlar maxsus kutubxonasi faoliyati bilan yaqindan tanishib, binoni investitsiya dasturi asosida qayta qurish bo‘yicha zudlik bilan vazirlikka taklif kiritish topshirig‘i berildi.
Shuningdek, vazir o‘rinbosari Xatirchi tumanida ham bo‘lib, tumandagi 25-son madaniyat markazidagi to‘garaklar faoliyati bilan tanishdi. Shu bilan birga markazda DXSH asosida amalga oshirilayotgan qurilish ishlari bilan tanishib, kerakli ko‘rsatmalar berdi.
Shu bilan birga tumandagi 27-son madaniyat markazida ham DXSH asosida tashkil etiladigan markaz faoliyati bilan tanishdi hamda tadbirkor bilan uchrashuv bo‘lib o‘tdi.