O‘zbekiston Respublikasi Madaniyat vazirligi

Kuni kecha madaniyat vazirining birinchi o‘rinbosari Avazxon Tadjixonov Surxondaryo viloyatiga tashrif buyurdi.

Tashrif davomida madaniyat vazirining birinchi o‘rinbosari Avazxon Tadjixanov boshchiligida yig‘ilish o‘tkazilib, madaniyat vazirining tegishli buyrug‘i bilan, Surxondaryo viloyat madaniyat boshqarmasi boshlig‘i lavozimiga tayinlangan Otabek Muhiddinovni hamda viloyat musiqali drama teatri direktori lavozimiga tayinlangan Shuhrat Normurodovlarni boshqarma va teatr jamoasiga tanishtirdi.

Shuningdek, viloyatda madaniyat va san’at sohasida faoliyat olib borayotgan xodimlar bilan suhbat o‘tkazilib, teatr, madaniyat va san’at sohasiga oid berilgan taklif va muammolar bo‘yicha fikr-mulohazalari tinglandi.

Vazirning birinchi o‘rinbosari Avazxon Tadjixonov madaniyat va san’at va teatr sohasini yanada rivojlantirish, zamonaviylashtirish raqamlashtirish bo‘yicha o‘z tavsiyalarini berdi.

So‘ng, Avazxon Tadjixonov Respublikasi baxshichilik san’atiga ixtisoslashtirilgan maktab-internatiga tashrif buyurib, maktabda yaratilgan shart-sharoitlar, o‘quvchilarining bilimi va ko‘nikmalarini yanada rivojlantirish , ularni milliy hamda umuminsoniy qadriyatlarga sodiqlik ruhida tarbiyalash, o‘qituvchi kasbi nufuzini va pedagoglarning sifat tarkibini oshirish, darsliklar va o‘quv metodik majmualarni zamon talablari asosida takomillashtirish kabi masalalarga e’tibor qaratish lozimligini ta’kidladi.