"Turkiston" san’at saroyida Yunus Rajabiy nomidagi "Maqom" ansambli xonandasi Ozodbek Tillanazarovning “Ona yurt navolari” deb nomlangan yakkaxon konsert dasturi bo‘lib o‘tdi
2025-04-11 09:55:00 / Yangiliklar
Poytaxtdagi "Turkiston" san’at saroyida bo‘lib o‘tadigan Yunus Rajabiy nomidagi "Maqom" ansambli xonandasi Ozodbek Tillanazarovning “Ona yurt navolari” deb nomlangan yakkaxon konsert dasturi bo‘lib o‘tdi.
Ushbu konsert – buyuk maqom an’analarini asrab-avaylab kelayotgan va ularni zamonaviy talqinda xalqimiz qalbiga yetkazayotgan ijodkorning jonli ijrodagi musiqiy tuhfasidir. Dasturda san’atkor o‘zining eng sara asarlarini, milliy kuy va ashulalarni jonli ijroda taqdim etdi.
Konsert dasturi O‘zbekiston va Qoraqalpog‘iston xalq artisti Abduhoshim Ismoilov rahbarligida, milliy maqom san’atining nozik jihatlarini yuksak badiiy mahorat bilan ifoda etib kelayotgan afsonaviy Yunus Rajabiy nomidagi “Maqom” ansambli hamrohligida o‘tkazildi.
Shuningdek, konsertda quyidagi taniqli, xalqimiz suygan san’atkorlar ishtirok etdi:
– O‘zbekiston va Qoraqalpog‘iston xalq artisti Abduhoshim Ismoilov
– O‘zbekiston xalq artisti Toir Qo‘ziyev (tanburda)
– Yunus Rajabiy nomidagi “Maqom” ansambli xonandasi “Shuhrat” medali sohibasi Nafisa Farmonova
– Askiya va qiziqchilik ustalari: Hotamjon Hakimjonov, Muhiddin Sultonov, Mamasiddiq Alixonov, Dilshodbek Musabekov
– Raqs sahnalari O‘zbekistonda xizmat ko‘rsatgan artist Feruza Azatova rahbarligidagi “Munojat” raqs ansambli tomonidan bezatildi.
Dasturda “El etib topgay meni”, “Janon qaro ko‘zingga”, “Onang o‘lmasin”, “Yor ekansiz”, “Qishlog‘im” kabi dilni jo qiluvchi kuylar, shuningdek, Nafisa Farmonova bilan “Hamroz qil” duet kompozitsiyasi ham taqdim etildi.