“Umida” (Fudziyama haqida tush) filmining katta premyerasi bo‘lib o‘tadi
2025-04-04 11:35:00 / Yangiliklar
Joriy yilning 8-aprel kuni soat 18:00da O‘zbekiston Milliy kino san’ati saroyida O‘zbekiston Respublikasi Madaniyat vazirligi huzuridagi Kinematografiya agentligi buyurtmasiga binoan “O‘zbekfilm” kinokonserni tomonidan suratga olingan “Umida” (Fudziyama haqida tush) badiiy filmining katta premyerasi bo‘lib o‘tadi.
Filmda rollarni Feruza Saidova, Mahliyo Asqaraliyeva, Otabek Musayev, Karim Mirxodiyev, Fotima Rejametova, Baxriddin Abdullayev, Ubaydulla Omon, Nigora Karimboyeva, Ra’no Shodiyeva kabi iqtidorli aktyorlar ijro etishgan.
Ssenariy muallifi va postanovkachi rejissyor: Zulfiqor Musoqov
Ma’lumot uchun, film avval “Ninachi qanoti uchun kuy” (Fudziyama haqida tush) nomi bilan tanilgan bo‘lib, endilikda “Umida” (Fudziyama haqida tush) deb nomlanadi.