Madaniyat vaziri o‘rinbosari Murodjon Majidov xizmat safari bilan Qashqadaryo viloyatida bo‘ldi
2025-03-28 16:00:00 / Yangiliklar

Kuni kecha xizmat safari davomida viloyat teatri, tuman madaniyat bo‘limlari hamda bolalar musiqa va san’at maktablari faoliyati o‘rganildi.
O‘rganishlarning dastlabki manzili Koson tumani 32-son madaniyat markazi, Koson tumani 8-son bolalar musiqa va san’at maktabi, Ko‘kdala tumani 49-son madaniyat markazi hamda Qashqadaryo viloyat qo‘g‘irchoq teatrida bo‘ldi.
Murodjon Majidov Ko‘kdala tumanidagi tashrifi davomida tuman hokimi Xurram Jo‘rayev hamrohlik qilib, madaniyat muassasalarini ko‘zdan kechirdi.
Vazir o‘rinbosari Murodjon Majidov va Qashqadaryo viloyati madaniyat boshqarmasi boshlig‘i Isoq To‘rayev bilan madaniyat markazlaridagi moddiy-texnika bazasi holatini ko‘zdan kechirdi.
Xizmat safarining ikkinchi kunida Qashqadaryo viloyat madaniyat boshqarmasi tizim tashkilotlari rahbarlari bilan ijro intizomini mustahkamlash, elektron hujjat aylanish tizimi orqali kelib tushayotgan topshiriqlar ijrosi, tizimdagi raqamlashtirish masalalari yuzasidan yig‘ilish o‘tkazildi.
Shuningdek, hukumat topshiriqlari ijrosini ta’minlash bo‘yicha ustuvor vazifalar belgilab berildi.