Vazir va hokim o‘rinbosarlari birgalikda madaniyat muassasalari faoliyatini o‘rgandi
2025-03-26 19:00:00 / Yangiliklar
Madaniyat vaziri o‘rinbosari Yusufjon Usmonov xizmat safari bilan Sirdaryo viloyatida bo‘ldi.
Xizmat safari davomida tuman madaniyat bo‘limlari va bolalar musiqa va san’at maktablari faoliyati o‘rganildi.
Xususan, o‘rganishlarning dastlabki manzili Sardoba tumani 12-son “Gulzor”, 13-son “Do‘stlik” hamda 14-son “Qo‘shchinor” nomli madaniyat markazlarida bo‘ldi. Jarayonda vazir o‘rinbosari Yusufjon Usmonov, Sirdaryo viloyati hokimining o‘rinbosari Begzod Ismatov bilan markazlaridagi moddiy texnika bazasi holatni yaxshilash bo‘yicha ko‘zdan kechirib zaruriy jihozlar yuzasidan tegishli mas’ullarga faoliyatini yo‘lga qo‘yish bo‘yicha ko‘rsatmalar berdi.
O‘rganish davomida Oqoltin tumani 6-son “Sardoba” madaniyat markazida tashkil etilgan to‘garaklar va unvonga ega jamoa faoliyati hamda 7-son bolalar musiqa va san’at maktabida amalga oshirilgan ishlar bilan yaqindan tanishdi.
Shuningdek, hukumat topshiriqlari ijrosini ta’minlash bo‘yicha ustuvor vazifalar belgilab berildi.