Vazir Ozodbek Nazarbekov Rossiya Federatsiyasining MDH ishlari, xorijda yashovchi vatandoshlar va xalqaro hamkorlik bo‘yicha Federal agentligi vakillarini qabul qildi
2025-03-24 15:00:00 / Yangiliklar
Bugun, 24-mart kuni O‘zbekiston madaniyat vaziri Ozodbek Nazarbekov hamda Rossiya Federatsiyasining MDH ishlari, xorijda yashovchi vatandoshlar va xalqaro hamkorlik bo‘yicha Federal agentligi (Rossotrudnichestva) rahbari Yevgeniy Primakov o‘rtasida hamkorlik uchrashuvi bo‘lib o‘tdi.
Uchrashuvda ikki tomonlama hamkorlik, xususan ikki davlat teatrlarining o‘zaro gastrol safarlarini tashkil etish, Madaniyat vazirligi va Agentlik hamkorlirigida qo‘shma loyihalarni amalga oshirish, ta’lim, kino sohasida hamkorlikni rivojlantirish masalalari muhokama qilindi.
O‘z o‘rnida, O‘zbekiston madaniyat vaziri Ozodbek Nazarbekov O‘zbekiston va Rossiyaning madaniy sohadagi hamkorligini yuqori baholab, 2024-yilning noyabr oyida Moskva shahrida tashkil etilgan "O‘zbekiston madaniyati va san’ati kunlari" tadbirlarini misol keltirdi.
Shuningdek, uchrashuv davomida qayd etilgan masalalarga vakolat doirasida ijobiy yechim topish hamda ikki tomonlama hamkorlikni rivojlantirishga kelishib olindi.