Maqom markazida korrupsiyaga qarshi kurashish bo‘yicha yig‘ilish o‘tkazildi
2025-03-20 14:40:00 / Yangiliklar
Kuni kecha O‘zbek milliy maqom san’ati markazida "Madaniyat sohasida korrupsiyaga qarshi kurashish: shaffoflik va mas’uliyat" mavzusida yig‘ilish bo‘lib o‘tdi.
Yig‘ilishga Madaniyat vazirligi Korrupsiyaga qarshi kurashish xizmati xodimi raislik qildi. Unda Maqom markazi Bosh direktori, markaz apparat xodimlari va hududiy bo‘lim vakillari ishtirok etdi.
Shuningdek madaniyat sohasida shaffoflikni ta’minlash, korrupsiyaning oldini olish va manfaatlar to‘qnashuviga yo‘l qo‘ymaslik masalalari muhokama qilindi.
Korrupsiyaga qarshi kurash bo‘yicha qonunchilik talablari va yangi hujjatlar mazmuni tushuntirildi.
Soha xodimlarining mas’uliyatini oshirish va ochiqlik siyosatini kuchaytirish muhimligi ta’kidlandi.
Korrupsiyaga qarshi ichki nazorat tizimini takomillashtirish, barcha bo‘limlarda shaffof ish yuritishni ta’minlash bo‘yicha topshiriqlar berildi.