Buxoro viloyatida “Korrupsiya taraqqiyot kushandasi” mavzusida yig‘ilish bo‘lib o‘tdi
2025-03-18 14:00:00 / Yangiliklar
Kuni kecha Buxoroda viloyatning Madaniyat boshqarmasi hamda tizim tashkilotlari xodimlari uchun “Korrupsiya taraqqiyot kushandasi” mavzusida yig‘ilish bo‘lib o‘tdi.
Yig‘ilishda Madaniyat vazirligining korrupsiyaga qarshi kurashish bo‘yicha mas’ul xodimi ishtirok etib, "Manfaatlar to‘qnashuvi to‘g‘risida"gi qonun va vazirlikning korrupsiyaga qarshi kurashish" bo‘yicha siyosati mazmun-mohiyati haqida ma’lumot berildi.
Shuningdek, yig‘ilishda "Mehnat kodeksi" talablariga rioya etish ahvoli, normativ-huquqiy hujjatlarda belgilangan talablarga rioya etilishi va sohaga oid boshqa qonun hujjatlari ijrosi, xaridlarni amalga oshirishda "O‘zbekiston Respublikasi Davlat xaridlari to‘g‘risida"gi Qonun talablariga rioya etilishi, manfaatlar to‘qnashuviga yo‘l qo‘yilmaslik holatlari yuzasidan suhbat olib borildi.
Yig‘ilish yakunida soha xodimlarining savollariga mas’ullar tomonidan batafsil javoblar berildi.