Madaniyat vaziri o‘rinbosari Murodjon Majidov xizmat safari bilan Namangan viloyatida bo‘ldi
2025-03-14 17:00:00 / Yangiliklar
Xizmat safari davomida tuman madaniyat bo‘limlari va bolalar musiqa va san’at maktablari faoliyati o‘rganildi. Xususan, o‘rganishlarning dastlabki manzili Uchqo‘rg‘on tumani 52-son tuman madaniyat markazi bo‘ldi. Jarayonda Murodjon Majidov markazda tashkil etilgan to‘garaklar faoliyati bilan yaqindan tanishdi. Shuningdek, vazir o‘rinbosari madaniyat bo‘limiga qarashli madaniyat markazlarida amalga oshirilgan qurilish ta’mirlash jarayonlarini ham o‘rgandi.
O‘rganish ishlari Uchqo‘rg‘on tumani 12-son bolalar musiqa va san’at maktabida davom etdi. Vazir o‘rinbosari musiqa maktabida yaratilgan sharoitlar, qayta tiklanuvchi quvvat manbalaridan foydalanish holati kabi bir qancha masalalarni o‘rganishdi. Tuman madaniyat bo‘limiga qarashli 54-son “Bunyodkor” madaniyat markazida davom etgan jarayonda ham markazda tashkil etilgan to‘garaklar va badiiy jamoalar faoliyati ko‘zdan kechirildi.
Madaniyat vaziri o‘rinbosari Murodjon Majidov rahbarligidagi o‘rganish ishlarining galdagi manzili Uychi tumani bo‘ldi. 46-son tuman madaniyat markazi to‘garaklari faoliyati hamda konsert tomosha zali ko‘zdan kechirgan Murodjon Majidovning navbatdagi manzili Uychi tuman 13-son bolalar musiqa va san’at maktabi bo‘ldi.
O‘rganish natijalariga ko‘ra, mas’ullarga tegishli topshiriqlar berildi. Xizmat safari yakunida 6-son viloyat madaniyat markazida mas’ullarga tanqidiy tarzda yig‘ilish bo‘lib o‘tdi.
Shuningdek, Murodjon Majidov Maktabgacha va maktab ta’limi vazirligi hamda Madaniyat vazirligi hamkorligida o‘tkazib kelinayotgan “Turon” maktab teatri respublika tanlovining viloyat bosqichida ishtirok etdi.