O‘zbekiston Respublikasi Madaniyat vazirligi

Bugun, 13-mart kuni madaniyat vaziri Ozodbek Nazarbekov Madaniy faoliyat va nomoddiy madaniy merosni davlat tomonidan qo‘llab quvvatlash boshqarmasi va mazkur boshqarmaning muvofiqlashtiruvida bo‘lgan madaniyat markazlari, Madaniyatshunoslik va nomoddiy madaniy meros ilmiy-tadqiqot instituti, baxshichilik, askiya va qiziqchilik san’ati markazlari hamda ko‘zi ojizlar kutubxonalari tomonidan 2025-yil davomida amalga oshirilishi rejalashtirilgan ishlar va tashabbuslar taqdimoti bilan tanishdi.

Unda:

madaniyat markazlari tomonidan 100 ga yaqin inson madaniyatini targ‘ib etishga yo‘naltirilgan videokontentlar;

askiya va qiziqchilarning hayoti va ijodiga bag‘ishlangan 8 ta publitsistik ko‘rsatuv;

kitobxonlar uchun davlat teatrlari va ko‘zi ojizlar kutubxonalari bilan hamkorlikda 5 ta audio spektakllar;

folklor jamoalarning xorijiy davlatlarda konsert-tomoshalarini tashkil etish;

namunali va samarali faoliyat yuritayotgan madaniyat markazlariga press-turlar tashkil etish;

aeroportlarda nomoddiy madaniy meros videokontentlari va folklor jamoalarining tomoshalarini tashkil etish;

Baxshichilik yo‘nalishida tahsil olayotgan o‘quvchilar ishtirokida 20 ta videokontent yaratish kabi masalalar taqdimoti qilindi.

Taqdimot yuzasidan takliflar va tavsiyalar berildi.