#Tayinlov. R.Glier nomidagi Respublika ixtisoslashtirilgan musiqa maktabiga direktor tayinlandi
2025-03-05 12:00:00 / Yangiliklar
Kuni kecha R.Glier nomidagi Respublika ixtisoslashtirilgan musiqa maktabida madaniyat vazirining birinchi o‘rinbosari Avazxon Tadjixanov boshchiligida yig‘ilish o‘tkazilib, madaniyat vazirining tegishli buyrug‘i bilan, R.Glier nomidagi Respublika ixtisoslashtirilgan musiqa maktabi direktori lavozimiga tayinlangan Ilhom Azimov maktab jamoasiga tanishtirildi.
Avazxon Tadjixanov yangi lavozimga tayinlangan Ilhom Azimovning faoliyatiga muvaffaqiyat tilab, o‘z bilim va iqtidorini soha rivoji uchun safarbar etishiga ishonch bildirdi.
Ma’lumot o‘rnida, tayinlovga qadar Ilhom Azimov Respublika musiqa va san’at kolleji direktori lavozimida faoliyat yuritayotgan edi.