Kuni kecha "Xalqlar do‘stligi" san’at saroyida O‘zbekiston, Qoraqalpog‘iston, Turkmaniston va Tatariston xalq artisti, "Qo‘sh sohil bulbuli" Otajon Xudoyshukurov tavalludining 80 yilligiga bag‘ishlangan "Ustozimning otashin qo‘shiqlari" nomli konsert dasturi bo‘lib o‘tdi.

 

Kecha mehmonlari orasida O‘zbekiston va Tojikiston xalq artisti Yodgor Sa’diyev, O‘zbekistonda xizmat ko‘rsatgan artist  Gulbahor Erqulova, O‘zbekistonda xizmat ko‘rsatgan madaniyat xodimi Nuriddin Aminjonov, O‘zbekiston xalq hofizi Isroiljon Vahobov, O‘zbekiston xalq artistlari Toir Qo‘ziyev, Abdurahmon Xoltojiyev hamda Elmurod Islomovlar ishtirok etishdi, Otajon Xudoyshukurov jamg'armasi raisi.

 

Konsert dasturida O‘zbekiston va Qoraqalpog‘iston xalq artistlari G‘ofurjon va G‘ulomjon Eshchonovlar, O‘zbek milliy maqom san’ati markazi Xorazm viloyati hamda Qoraqalpog‘iston Respublikasi hududiy bo‘limi ansambllari, Andijon viloyati hududiy bo‘limi sozandalari, shuningdek, Yunus Rajabiy nomidagi "Maqom" ansambli xonandasi Xotamjon Zokirjonov o‘z ijrolari bilan tomoshabinlarga unutilmas lahzalar taqdim etishdi.