#Premyera. "Baxshining baxti" nomli spektaklning premyerasi bo‘lib o‘tadi
2025-01-22 09:40:00 / Yangiliklar
Respublika Baxshichilik San’ati Markazi tomonidan 28-yanvar kuni Qashqadaryo viloyati Musiqali drama teatrida "Ollonazar Olchinbek" dostoni asosida sahnalashtirilgan "Baxshining baxti" nomli spektaklning premyerasi bo‘lib o‘tadi.
Mazkur spektakl milliy baxshichilik san’atining chuqur ildizlariga asoslanib, baxshilarning ijodiy mehnati, ularning xalq og‘zaki ijodidagi o‘rni va baxshining o‘z baxtiga erishish yo‘lidagi ma’naviy kurashlari haqida hikoya qiladi. Ushbu asar tomoshabinlarga baxshichilik san’atining ulug‘vorligini his ettirish, milliy qadriyatlarimizni ulug‘lash va madaniy merosimizni targ‘ib qilish maqsadida sahnaga olib chiqiladi.
Barcha san’atsevarlarni ushbu tarixiy premyeraga taklif etamiz!
❕ Eslatib o‘tamiz, 2025-yilda IV “Xalqaro baxshichilik san’ati festivali" o‘tkaziladi.