O‘zbekiston Respublikasi Madaniyat vazirligi

Farg'ona hamda Samarqand viloyatlarida madaniyat markazlari foydalanishga topshirildi. 

Yangi yil tantanalari arafasida Farg'ona shahar madaniyat bo'limi tasarrufidagi 5-son maxsus madaniyat markazi hamda Narpay  tumani madaniyat bo'limi tasarrufidagi 37-sonli "Gulshan" madaniyat markazi binosi to'liq ta'mirdan chiqarilib foydalanishga topshirildi.  

Binolarning ochilish marosimida tuman hokimlari, hokimlik va tashkilotlar mas'ullari hamda keng jamoatchilik vakillari  ishtirok etishdi.

So‘zga chiqqanlar mazkur madaniyat maskanlarii hudud aholisi, jumladan, yoshlar o‘rtasida madaniyat va san’atni keng targ‘ib etish, iste’dodli yigit-qizlarni tarbiyalashga xizmat qilishini ta’kidlashdi.  Shundan so'ng ushbu markazlarga tashrif buyurgan mehmonlar madaniyat markazlarida yaratilgan shart-sharoitlar bilan tanishib chiqishdi.

Ma'lumot o'rnida: Prezident raisligida 2023-yilning 22-dekabr kuni o’tkazilgan Respublika Ma’naviyat va ma’rifat Kengashining kengaytirilgan yig‘ilishida har bir tumanda kinozali, kutubxonasi va to‘garak xonalari mavjud bo‘lgan madaniyat markazini barpo etish, hududlarda madaniy tadbirlarq o‘tkazish va yoshlarni san’atga jalb qilish bo‘yicha topshiriqlar berilgan edi.