Kuni kecha O‘zbekiston Respublikasi Prezidenti Shavkat Mirziyoyevning “O‘zbekiston Respublikasi Qurolli Kuchlari tashkil etilganining 33 yilligi hamda Vatan himoyachilari kuni bayramiga tayyorgarlik ko‘rish va uni yuqori saviyada o‘tkazish to‘g‘risida”gi PF-62-son farmoyishi ijrosi yuzasidan O‘zbekiston Respublikasi madaniyat vazirining birinchi o‘rinbosari Bahodir Ahmedov boshchiligida yig‘ilish o‘tkazildi. 

 

Yig‘ilishda O‘zbekiston Respublikasi Qurolli Kuchlari tarkibiga kiruvchi vazirlik va idoralarning mas’ul xodimlari, O‘zbekiston Yozuvchilar uyushmasi a’zolari hamda tegishli tashkilot vakillari ishtirok etdi.

 

Yig‘ilishda “14-yanvar – Vatan himoyachilari kuni” bayramini yuqori saviyada o‘tkazish uchun kerakli vazifalar belgilandi hamda mas’ullarga tegishli vazifalar topshirildi.