#Vazirga_murojaat

#Onlayn_qabul

 

Bugun, 23-dekabr kuni madaniyat vaziri Ozodbek Nazarbekovga @vazirqabuli_bot orqali yuborilgan murojaatlar yuzasidan onlayn qabul bo‘lib o‘tdi.

 

Onlayn qabulda madaniyat vazirligi rahbariyati, markaziy apparati, shuningdek, hududiy tizim tashkilotlari rahbarlari hududiy studiyalardan ishtirok etishdi.

 

23-dekabr kuni tashkil etilgan onlayn muloqotda Madaniyat vazirligi tizimidagi ta’lim muassasalari yo‘nalishidagi murojaatlar ko‘rib chiqildi.

 

Onlayn qabul muloqotini ochiq va shaffofligini ta’minlash maqsadida, ushbu jarayon vazirlik telegram kanali orqali to‘g‘ridan-to‘g‘ri real vaqt rejimida uzatildi.

 

Ma’lumot uchun, e’lon joylashtirilgan kundan bugungi kunga qadar @vazirqabuli_bot iga jami 200 tadan ziyod murojaat va takliflar kelib tushdi.

Eslatib o'tamiz, avvalroq madaniyat va san'at sohasiga oid murojaatlarni shaxsan madaniyat vaziri Ozodbek Nazarbekovga yo’llash va muloqot qilish yuzasidan uydan chiqmagan holda o'z murojaatlarini qoldirish yuzasidan xabar berilgan edi.