Vazir o‘rinbosari Yusufjon Usmonov xizmat safari bilan Jizzaxda bo‘ldi
2024-12-19 12:15:00 / Yangiliklar
Kuni kecha madaniyat vaziri o‘rinbosari Yusufjon Usmonov xizmat safari bilan Jizzax viloyatida bo‘lib, viloyatning Arnasoy hamda Zafarobod tumanlaridagi madaniyat muassasalari faoliyatini o‘rgandi.
Jumladan, Zafarobod tumanida namunali tarzda tashkil etilayotgan 14-son madaniyat markazi, 9-son bolalar musiqa va san’at maktabi, Arnasoy tumanidagi 4-son madaniyat markazi hamda 5-son bolalar musiqa va san’at maktabi faoliyati bilan yaqindan tanishib, muassasalarning kuz-qish mavsumiga tayyorgarlik holati ko‘zdan kechirildi.
Shuningdek, Yusufjon Usmonov Zafarobod tumani hokimi G‘ayratjon Eshpo‘latov bilan uchrashib, tumanda namunali sifatda tashkil etilishi belgilangan 14-son madaniyat markazini zaruriy jihozlar va musiqa cholg‘ulari bilan ta’minlash hamda 16-son “Hulkar” Madaniyat markazini davlat-xususiy sherikchilik asosida tadbirkorlarga berish yuzasidan kelishib oldi.