Kuni kecha Jizzax viloyat qo‘g‘irchoq teatrida Jizzax viloyat madaniyat boshqarmasi hamda tizim tashkilotlari xodimlari uchun “Korrupsiya taraqqiyot kushandasi” mavzusida targ‘ibot tadbiri bo‘lib o‘tdi.

 

Tadbirda Madaniyat vazirligining korrupsiyaga qarshi kurashish bo‘yicha mas’ul xodimi Rahimov Komiljon ishtirok etib, "Manfaatlar to‘qnashuvi to‘g‘risida"gi qonun va vazirlikning korrupsiyaga qarshi kurashish" bo‘yicha siyosati mazmun-mohiyati haqida ma’lumot berildi.

 

Shuningdek, yig‘ilishda "Mehnat kodeksi" talablariga rioya etish ahvoli, normativ-huquqiy hujjatlarda belgilangan talablarga rioya etilishi va sohaga oid boshqa qonun hujjatlari ijrosi, xaridlarni amalga oshirishda "O‘zbekiston Respublikasi Davlat xaridlari to‘g‘risida"gi Qonun talablariga rioya etilishi, manfaatlar to‘qnashuviga yo‘l qo‘yilmaslik holatlari yuzasidan suhbat olib borildi.

 

Tadbir yakunida soha xodimlarining savollariga mas’ullar tomonidan batafsil javoblar berildi.