Vazir o‘rinbosari Yusufjon Usmonov xizmat safari bilan Sirdaryoda bo‘ldi
2024-12-14 11:35:00 / Yangiliklar
Kuni kecha madaniyat vaziri o‘rinbosari Yusufjon Usmonov xizmat safari bilan Sirdaryo viloyatida bo‘ldi.
Xizmat safari davomida viloyatdagi bir qator madaniyat muassasalari faoliyatini o‘rgandi, jumladan, Sirdaryo viloyati musiqali drama teatri, Shirin shahridagi 15-son madaniyat markazi, 3-son bolalar musiqa va san’at maktabi, Boyovut tumanidagi markaziy madaniyat markazi, 5-son bolalar musiqa va san’at maktabi faoliyati bilan yaqindan tanishib, muassasalarning kuz-qish mavsumiga tayyorgarlik holatini, qayta tiklanuvchi energiya manbalari - quyosh panellarini o‘rnatish bo‘yicha amalga oshirilgan ishlar bilan tanishdi.
Shu bilan birga Shirin shahridagi madaniyat markazini davlat-xususiy sheriklik asosida samarali tashkil etish bo‘yicha tashabbuskor tadbirkor tomonidan bildirilgan taklif bilan tanishib o‘z fikrlarini bildirdi.
O‘rganish natijalariga ko‘ra, tegishli mas’ullarga topshiriqlar berilib, o‘z ishiga sovuqqonlik bilan yondashgan mas’ullar ogohlantirildi.