Koreyaning Madaniyat jamg‘armasi vakillari bilan uchrashuv bo‘lib o‘tdi
2024-12-11 18:00:00 / Yangiliklar
Bugun, 11-dekabr kuni vazir maslahatchisi Shoxrux Akbarov hamda Koreya Respublikasi Miryang shahri Madaniyat jamg‘armasi prezidenti Janob Chi Woo o‘rtasida uchrashuv bo‘lib o‘tdi.
Muzokaralar davomida ikki mamlakat o‘rtasidagi madaniy aloqalarni, xususan, nomoddiy madaniy meros sohasida chuqurlashtirish masalalari muhokama qilindi.
Uchrashuv davomida har ikki tomon madaniy almashinuv va hamkorlikni rivojlantirishga o‘zaro qiziqish bildirdilar.
Koreya tomoni 2025-yilda O‘zbekiston va Koreya madaniy almashinuv yiliga bag‘ishlangan holda Miryang shahrida madaniy dastur tashkil etishni taklif qildi. Ushbu dastur ikki xalq o‘rtasidagi do‘stlik aloqalarini mustahkamlash uchun xizmat qilishi alohida ta'kidlandi.