#Yashil_makon

 

Mamlakatimizda ekologik vaziyatni yaxshilash, transchegaraviy garmsel shamollari va chang-qum bo‘ronlarining atrof-muhitga zararli ta’sirlarining oldini olish maqsadida qator tadbirlar amalga oshirilmoqda.

 

Bugun, 7-dekabr kuni madaniyat vaziri Ozodbek Nazarbekov boshchiligida Madaniyat vazirligi jamoasi hamda el suygan taniqli madaniyat va san’at vakillari ishtirokida “Yashil makon” umummilliy loyihasi doirasida Toshkent viloyatining Ohangaron tumanida ajratilgan 2,5 gektar yer maydonida 2 ming tup daraxt nihollari o‘tqazildi.

 

O‘zbekistonda “Yashil makon” umummilliy loyihasini yanada ommalashtirish, ekologiya sohasida davlat boshqaruvi tizimini takomillashtirish va ilg‘or texnologiyalarni keng joriy etish hamda “O‘zbekiston — 2030” strategiyasida belgilangan vazifalar ijrosini ta’minlash maqsadida, Madaniyat vazirligi tizimidagi tashkilotlarda ham daraxt nihollari o‘tqazilmoqda.