Bugungi kunda mamlakatizmida ta’lim tizimini isloh qilish borasida salmoqli ishlar amalga oshirilmoqda. Oliy ta’lim muassasalarida talaba yoshlarga o‘qitiladigan fanlarning xususiyatidan kelib chiqib, nazariya va amaliyot jarayonlarini integratsiya qilish imkoniyatlari yaratilmoqda. Aynan O‘zbekiston davlat san’at va madaniyat institutida yoshlar o‘rtasida madaniyat va san’at menejerlarni aniqlash, kreativ fikrlashga oʻrgatish, ularni boshqaruv va rahbarlik sanʼatiga yanada qiziqtirish va madaniyat va san’at muassasalari faoliyatini tashkil etish va boshqarish jarayonlarini o‘rganish maqsadida “Madaniyat vazirligi tizimidagi respublika tashkilotlar faoliyatini muvofiqlashtirish va boshqarish” mavzusida innovatsion ochiq dars о‘tkazildi.

Innovatsion ochiq dars “Madaniyat va san’at muassasalarini tashkil etish va boshqarish” ta’lim yo‘nalishi 3-kurs talabalaridan tuzilgan 4 ta guruh asosida interfaol shaklida o‘tkazildi. 4 ta guruh Madaniyat vazirligi tizimidagi O‘zbekkonsert davlat muassasasi, O‘zbek milliy maqom san’ati markazi, О‘zbekistоn Davlat Filarmоniyasi, Madaniyatshunoslik va nomoddiy madaniy meros ilmiy-tadqiqot institutining faoliyati bo‘yicha tashkil etildi.

Innovatsion ochiq dars quyidagi shartlar asosida bellashuv shaklda o‘tkazildi:

1. Guruhlarga bo‘lib berilgan muassasalar faoliyati yuzasidan tadqimot

2. Guruhlarga bo‘lib berilgan muassasalar faoliyati yuzasidan tayyorlangan video rolik

3. Guruhlar tomonidan muassasalar faoliyati yuzasidan tayyorlangan topshiriqli ishlanmalarni ishlash

4. Madaniyat vazirligi tizim tashkilotlari faoliyati to‘g‘risida quiz

5. Talabalarning imidji, tayyorgarlik darajasi, odob axloq mezonlari va ko‘rgazma vositalaridan foydalanishi

Innovatsion ochiq dars quyidagi ekspertlar tomonidan baholab bordi:

1. Sayfullo Ikramov ­ “Madaniyat va san’at menejmenti” kafedarsi mudiri dotsent

2. Elyor Sadikov ­ “Xalq ijodiyoti” fakulteti dekani

3. Manzura Yuldasheva – “Madaniyat va san’at menejmenti” kafedarsi professori

4. Rahima Yusupova – “Madaniyat va san’at menejmenti” kafedarsi dotsenti

5. To‘rabek Fayziyev – “Madaniyat va san’at menejmenti” kafedarsi texnika fanlari nomzodi, dotsent

6. Azizbek Mirzaraximov ­ O‘zbekiston Davlat Filarmoniyasi mutaxassisi

7. Dilshod Karimov ­ Madaniyatshunoslik va nomoddiy madaniy meros ilmiy-tadqiqot instituti direktori o‘rinbosari

8. Nodirjon Sabirdjanov ­ O‘zbek milliy maqom san’ati markazi mutaxassisi

Loyihada ishtirok etgan jamoalar quyidagilar:

1-jamoa – O‘zbegim liderlari

2-jamoa – Adolat

3-jamoa – Tadqiqotchilar

4. jamoa – Diplomat

Innovatsion ochiq dars o‘tkazishda uchun hamkor tashkilotlardan Madaniyatshunoslik va nomoddiy madaniy meros ilmiy-tadqiqot instituti, “O‘zbekkonsert” davlat muassasasi, O‘zbekiston davlat filarmoniyasi, O‘zbek milliy maqom san’ati markazi kabi tashkilotlardan mutaxassislar ishtirok etadi. Loyiha so‘ngida ishtirokchilarga Institut va hamkorlar tomonidan diplom va esdalik sovg‘alar berildi.