Bugun, 26-noyabr kuni madaniyat vazirining birinchi o‘rinbosari Bahodir Ahmedov Qashqadaryo viloyatida xizmat safarida bo'ldi. 

 

Xizmat safari davomida Nishon tumanidagi 19-son “Oq oltin” madaniyat markaziga tashrif buyurdi. Madaniyat markazi bog‘ida “Yashil makon” umummilliy harakat dasturi doirasida mevali daraxtlar ekib, markazda ijod qilayotgan yosh baxshilar va folklor jamoalari bilan uchrashdi. 

 

Shuningdek, G‘uzor tumanidagi 27-son “Guliston” madaniyat markaziga tashrif buyurib, ijodkor yoshlar va folklor jamoalari bilan uchrashdi. Uchrashuv davomida soha vakillari va yoshlarning takliflari tinglandi. Uchrashuvdan so‘ng, madaniyat markazi ijodiy xodimlariga doira, do‘mbira, rubob va gitara cholg‘u asboblari topshirildi.