#Vazirlik_haqida

Xabaringiz bor Madaniyat vazirligi markaziy apparatidagi bo'linmalar faoliyati haqida lavhalar tayyorlanib, uzatilmoqda. Bugungi ruknimizda vazirlikning Madaniy faoliyat, nomoddiy madaniy meros va xalq ijodiyotini davlat tomonidan qo‘llab-quvvatlash boshqarmasi haqida bo'ladi.

Boshqarma faoliyati davomida quyidagilarni amalga oshiradi: 

• madaniy-ma’rifiy muassasalar va nomoddiy madaniy merosni muhofaza qilish bilan bog‘liq qonun hujjatlariga rioya qilinishi yuzasidan davlat nazoratini amalga oshiradi; 

• madaniy-ma’rifiy muassasalar va nomoddiy madaniy meros muhofazasi bo‘yicha normativ-huquqiy bazani takomillashtirishga oid takliflarni ishlab chiqadi;

• madaniy-ma’rifiy muassasalar va nomoddiy madaniy meros bo‘yicha tadbirlarni ko‘rish va nomoddiy madaniy meros muhofazasi masalalarida huquqiy himoya qilish bo‘yicha ko‘maklashadi;

• o‘zbek san’atining barcha yo‘nalishlarida xalqaro va respublika miqyosidagi festivallar, ko‘rik-tanlovlar hamda uning doirasida ko‘rgazmalar, konferensiyalar, ilmiy-amaliy anjumanlarni va boshqa barcha davlat tadbirlarini tashkillashtiradi;

• xalqaro musiqa festivallari tashkilotlari bilan o‘zaro ijodiy hamkorlikni o'rnaradi; 

• o‘zbek milliy san’atini O‘zbekistonda va xorijda keng targ‘ib qilish hamda uning eng noyob namunalarini saqlab qolish, ularni kelajak yosh avlodga yetkazish hamda uni yanada ommalashtirish ishlarini olib boradi.

Ma'lumot o'rnida, Madaniyat vazirligi tizimidagi 837 ta madaniyat markazi faoliyat olib boradi. Ushbu markazlarda 4 171 ta to‘garak, studiya va badiiy havaskorlik jamoalari faoliyat yuritib, ulardan 3 107 ta to‘garak, 93 ta studiya, 46 ta qiziquvchilar klubi, 86 ta o‘quv kursi, 839 ta badiiy havaskorlik jamoasi faoliyat olib bormoqda. Ushbu 839 ta badiiy havaskorlik jamoasidan 597 tasi “Xalq” va “bolalar namunali” unvoniga ega. Jami tashkil etilgan to‘garak, studiya va badiiy havaskorlik jamoalariga 57 302 nafar aholi, shu jumladan, 49 533 nafar yoshlar qamrab olingan.

2024-yilning o'tgan 10 oyi davomida madaniyat markazlari tomonidan aholiga madaniy xizmat ko‘rsatish maqsadida jami 29 426 ta madaniy tadbir tashkil etilib, mazkur tadbirlarga jami 2 mln 450 ming nafarga yaqin aholi jalb etildi.