Murodjon Majidov xizmat safari bilan Samarqand viloyatida bo‘ldi
2024-11-12 19:30:00 / Yangiliklar
Bugun, 12-noyabr kuni madaniyat vaziri o‘rinbosari Murodjon Majidov xizmat safari bilan Samarqand viloyatida bo‘ldi.
Xizmat safari davomida madaniyat muassasalari faoliyati o‘rganildi. Shuningdek, namunali madaniyat markazi sifatida tashkil etilishi rejalashtirilgan madaniyat markazining loyiha smetasi hamda qurilish jarayonlari bilan tanishdi.
O‘rganish davomida Prezidentning 2023-yil 25-dekabrdagi "Aholiga madaniy xizmat ko‘rsatish darajasini yanada oshirish chora-tadbirlari to‘g‘risida"gi PQ–406-son hamda "Nomoddiy madaniy merosni muhofaza qilish, ilmiy o‘rganish va targ‘ib qilishni rivojlantirishga oid qo‘shimcha chora-tadbirlar to‘g‘risida"gi PQ–405-son qarorlarining ijrosi va ijro intizomiga rioya qilinish holati ko‘rib chiqildi.
O‘rganish natijalariga ko‘ra, tegishli mas’ullarga topshiriqlar berildi, o‘z ishiga sovuqqonlik bilan yondashgan mas’ullar ogohlantirildi.
Shuningdek, "Yashil makon" loyihasi doirasida tashrif buyurgan madaniyat muassasalariga manzarali ko‘chatlar o‘tqazildi.